LEGAZPI CITY-Naarestar an sarong laborer sa pigkondusir na buy bust operation sa Malinao Albay.
Segun ki Malinao Municipal Police Station Chief of Police Police Major Jayson Ray Florin, sa intrevista kan Bombo Radyo Legazpi na an suspek sarong 40-anyos, may live in partner, asin residente kan Baybay Malinao Albay.
Naarestar an suspek sa ikinasang operasyon kan mga otoridad sa Bariw Malinao Albay.
Nakumpiskar saiya an 1.7 gramos nin shabu na nagkakatindad nin P11,000.
Nahahampang an suspek sa kasong pagbayolar sa section 2 asin 11 kan Republic Act 9165 o an Comprehensive Dangerous Drugs Act.
Sa presente, nasa kustodiya na kan Malinao Municipal Police Station an suspek para sa makakanigong disposisyon.
Mensahe man kan otoridad sa mga residente kan nasabing banwaan na dai na maggibo pa nin siring na gawi huli sa nakakaraot ini sa saindang pamumuhay.
