LEGAZPI CITY—Pighayag kan Department of Public Works and Highways 1st District na pwedesir na ipagpadagos an pagsaayos kan mga road reblocking na nasa irarom nin maintenance sa mga national road.
Segun ki DPWH 1st District Administrative Officer Allan Imperial, sa intrevista kan Bombo Radyo Legazpi, na an mga napuonan nang mga road reblocking na may haralipot na section na pwedesir ipatrabaho an dapat suboot na tapuson asin dae pwedesir na pagbayaan.
Magigiromdoman na paramientras na sinuspinder kan DPWH an mga road reblocking projects huli sa mga posibleng anomalya digdi, alagad nagkapira sa dae sakop kan suspensyon an ongoing asin importanteng maintenance sa mga proyektong nangangaipuhan nin utility repairs.
Mensahe man kan opisyal na hagad ninda an pagsabot kan publiko sa mga empleyado kan saindang opisina huli sa may nagkapira suboot digdi an pigsusuyarawan na “mahabas” kan mga motorista asin tinawan-duon niya na piggigibo man sana suboot ninda an saindang trabaho.
