LEGAZPI CITY—Maabot sa siyam na pamilya an nag-ebakwar Malobago Elementary School na gikan sa Barangay Malobago sa banwaan kan Daraga, Albay.
Segun ki Mary Cris Quian residente kan Malobago, Daraga, sa intrevista kan Bombo Radyo Legazpi, nahadit sinda kan panahon kun kaya nagdesisyon sinda na magtenir paramientras sa evacuation center urog na may kairiba siyang mga aki asin may mga edad na nganing ma-asigurar an saindang kaligtasan.
Tinawan-duon man niya na importante an mas amay na pag-ebakwar bago pa man an pagrapado nin bagyo nganing maibitiran an ano man na dae piglalaomang insidente.
Pig-house to house suboot sinda kan mga barangay officials nganing mag-ebakwar asin tinabangan man sinda kan mga kapulisan magin kan barangay officials na makapasiring sa nasabing eskwelahan.
Nagpasalamat man si Quian sa mga nagtabang sainda sa pag-ebakwar asin sa mga barangay official na dae nagpabaya na matawan sinda nin makakakaon sa tahaw kan kalamidad.
Mensahe man niya na sa kapwa residente na mag-ebakwar huli sa dificil na an panahon ngonyan urog na suboot minsan na pagsabay-sabay kan pagtama kan bagyo asin linog sa nacion.
