Hinagad kan negosyanteng si Charlie “Atong” Ang sa Department of Justice (DOJ) na ibalik an saiyang presenteng kaso mapadapit sa nawawarang sabungero sa Philippine National Police-Criminal Investigation and Detection Group (PNP-CIDG) para sa tama asin impartial investigation.
Personal na nagpasiring si Ang sa DOJ nganing isumite an counter-affidavit mapadapit sa kriminal case arug kan murder, kidnapping, direct bribery asin tampering of passports.
Sinabi kan saiyang abogado na si Atty. Gabriel Villareal, na mawot ni Ang na pagbigyan ini kan panel of prosecutors na ibalik an bilog na kaso sa CIDG.
Dagdag pa kaini na maski igwang kakayanan an DOJ na tumabang sa PNP sa case build-up alagad an imbestigasyon an pangenot na trabaho kan kapulisan asin bako an piskalya.
Bako man mawot kan saiyang kliyente na ibasura an kaso huli ta baka kun ano an magigin iisipon kan mga tao kun kaya malinaw an obheto ninda na magkaigwa nin tamang case build up, patas asin impartial investigation.
Nakatalaan sa Oktubre 21 an pagpapadagos kan preliminary investigation.
 to return his current case regarding the missing sabungero to the Philippine National Police-Criminal Investigation and Detection Group (PNP-CIDG) for proper and impartial investigation.){kind=link}