LEGAZPI CITY—Nilinaw kan Department of Education Albay na sarong fake news an naglalakop na impormasyon sa social media mapadapit sa pagsuspendir suboot nin mga klase puon Oktubre 13 sagkod Disyembre 2025 huli sa sunod-sunod na linog sa nacion.
Segun ki DepEd Schools Division Albay Spokesperson Froilan Tena, sa intrevista kan Bombo Legazpi, na warang direktiba gikan sa DepEd Central Office nin siring na suspensyon kan klase.
Nagpaluwas na man suboot nin advisory an DepEd na fake news an mga nasabing impormasyon.
Mientrastanto, sinabi man ni Tena na sinany na an saindang mga personahes sa kun ano an gigibohon durante kan linog na kun saen an igwa na man nin nakadesignar sa saindang lugar na pwedesir na pag-ebakwaran.
Afuera digdi, quarterly man suboot na nagkukundusir nin earthquake drill sa mga eskwelahan.
Dugang kan opisyal na en kaso maglinog an magkakaigwa nin assessment an in-charge sa Disaster Risk Reduction and Management sa kada eskwelahan asin ma-report sinda sa kun ano man an danyos na nairehistro sa pagrugaring o kun may casualty o mga nairidong indibidwal—kun saen an natipon na datos gikan digdi an ire-report sa division office.
Pagiromdom man ni Tena sa mga paratukdo asin estudyante na magin kalmado alagad alerto pirmi, asin gibohon an mga napag-adalan sa simulation exercises nganing magin salbado an saindang sadiri.
Abiso man kan opisyal sa publiko na solamenteng mag-antabay sana sa mga lehitimong post kan mga lokal na gobierno o alkalde kan lugar, huli sa sainda an maproklama kun ano an magigin estado kan pag-aadal kan mga estudyante sa siring na mga sitwasyon.
