Pigsugo ni Department of Transportation (DOTr) Acting Secretary Giovanni Lopez an pagbawi kan mga protocol license plate na piggagamit kan mga opisyal kan ahensya asin kan mga attached agencies kaini.
Segun sa kasuguan, obheto kan lakdang na malikayan an salang paggamit nin mga plaka asin mamatenir an integridad kan mga opisyal na behikulo.
Parte man ini kan mas halangkaw na transparency asin accountability sa laog kan departamento.
Piglalaoman na irerehistro giraray an mga opisyal na behikulo na may regular na plaka kan gobyerno susog sa pigpapa-otob na regulasyon kan Land Transportation Office (LTO).
Dugang pa ni Lopez, parte kan mas mahiwas na reporma sa DOTr an pagbawi kan mga protocol plates nganing mas mapakusog an tiwala kan publiko sa mga institusyon kan gobyerno.
 Acting Secretary Giovanni Lopez ordered the withdrawal of protocol license plates used by officials of the agency and its attached agencies.){kind=link}