Suminakat na sa labi P2.2 bilyon an pigkarkulong kantidad nin danyos sa mga eskwelahan makalihis an magnitude 7.4 asin 6.9 na linog na nagtama sa Manay, Davao Oriental kan Biyernes, Oktubre 10.
Susog sa Department of Education, nag-abot sa 575 na eswkelahan an nagkaigwa nin destroso gikan sa 947 na mga eskwelahan sa nasabing lugar.
Padagos man giraray an pigsasagibong “rapid visual assesment” sa epekto kan makusog na linog nganing mapag-adalan an integridad kan mga edificio.
Mientrastanto, nasa 89,691 estudyante asin ,324 na mga teaching personnel an apektado kan linog.
Nasa 137 na estudyante asin 49 na mga paratukdo man an nairehistrong irido sa insidente.
