LEGAZPI CITY-Nagsagibo nin mga aktibidades an provincia kan Sorsogon para sa mga paratukdo bilang parte kan saindang pag-selebrar sa National’s Teachers Month.
Segun kay Sorsogon School Division Superintendent Jose Doncillo, sa intrevista kan Bombo Radyo Legazpi na nagpoon sinda kan selebrasyon kan Setyembre 5, kun sain inilunsar an manlain-lain na mga aktibidades para sa mga paratukdo sa provincia.
Nagsagibo man suboot nin 3-day bazaar kun sain pigpartisiparan ini kan mga secondary schools, nagbugtak nin mga booth asin mga produkto hale sa mga eskwelahan.
Pinaka-highlight suboot kan saindag pag-selebrar an pag-award sa 10 outstanding teachers sa provincia kan Sorsogon.
Sa presente, nag-preparar naman suboot sinda para sa selebrasyon ngonian kan World Teacher’s Day na gigibuhon sa Pasay City kun sain aatendiran ini kan mga paratukdo sa provincia.
Mientrastanto, parte man suboot kan saindang selebrasyon an pagtao nin P1000 allowance para sa mga paratukdo.
Mensahe man kan opisyal sa mga paratukdo na padagos na magserbi sa mga eskwelahan huli sa kinakaipuhan an saindang serbisyo sa provincia magin sa bilog na nacion.
