LEGAZPI CITY- Dakulang honra para sa lokal na gobierno kan Legazpi City na makasabay bilang finalist sa World Rabies Day Awards 2025.
Si City Veterinary Office head Dr. Manny Estipona kaya an finalist bilang Animal Welfare Champion huli sa mga esfuersos sa paglaban kontra sa rabies.
Sa intrevista kan Bombo Radyo Legazpi sa opisyal, sinabi kaini na dakulang tabang an pigpapaotob kan ciudad na Change Approach ngani na malabanan an rabies.
Ini kaya suboot an sarong holistic asin nagpapabago sa komunidad urog na sa pagigin responsable kan mga pet owners.
Paliwanag kan opisyal na nagagana an rabies elimination program kan Legazpi City.
Napag-araman na ini an enot na bes na makaibanan bilang finalist an sarong Pilipino.
