Speaker Dy pigsyerto an full cooperation kan kamara sa DOJ para sa marikas na pagbabalik nacion ni Zaldy Co

Nakatalaang makipag-olay si House Speaker Faustino “Bojie” Dy III ki Justice Secretary Jesus Crispin Remulla nganing pag-olayan an gabos na posibleng paagi nganing massyerto an tulos na pagbalik ni Rep. Zaldy Co.

Nagpromesa man si Speaker nin bilog na kooperasyon kan House of Representatives sa mga awtoridad nganing maibalik si Co sa nacion.

Dagdag pa ni Speaker Dy na maski wara na sa House of Representatives si Co, pagsyerto kaini na pagtatarabangan ini nganing maibalik an dating mambabatas sa nacion nganing hampangon an mga alegasyon laban saiya.

Pagdoon kan House Leader na maikokonsidera na seryosong alegasyon an mga ipiggagapo laban kay Zaldy Co.

Huli ta wara na sa jurisdiction kan Kamara si Co makalihis na isunad kaini an saiyang resignation, nahihiling ni Speaker Dy na nakasalalay na ini sa Department of Justice asin sa ICI kun ano an pwedesir nindang ipataw.

Alagad, sinabi ni Dy na kaipuhan niya talagang magbalik sa Pilipinas sa gabos na paagi.

Dapat siyang manimbag sa mga isyung saiyang pigkakahampang.

Sa ibong na lado, pig-anunsyo ni Speaker Dy na prayoridad ngonian kan Kamara an pag-aprobar kan 2026 national budget.