LEGAZPI CITY- Puga-puga na ngunyan an pagpapakarahay kan mga poste nin kuryente sa Masbate makalihis an pangrarapado kan bagyong Opong.
Segun ki Albay Electric Cooperative Spokesperson Anj Galero sa intrevista kan Bombo Radyo Legazpi na nagpadara na nin mga personahe sa Masbate ngani na makatabang sa pagbabalik kan suplay nin kuryente.
Kumpwesto an task force nin mga linemen asin dara an mga boom trucks.
Partikular na tututukan kan nasabing team an mga lugar na labing naapektaran an mga linya nin kuryente.
Madurar nin sampulong aldaw an mga tauhan kan Albay Electric Cooperative sa Masbate ngani na makatabang sa restoration kan kuryente.
Segun ki Galero na an mga pinadara nindang personnnel an well-equipped asin komon nang pigpapadara sa ibang mga lugar na pigtatamaan nin bagyo.
Mientras tanto, sinierto man kan opisyal na dae makaka apekto sa operasyon kan ALECO an pagpapadara nin mga tauhan sa island province huli ta bastante man an mga magbabantay sa sitwasyon sa provincia kan Albay.
