LEGAZPI CITY—Karsel an bagsak kan No. 1 Provincial Most Wanted Person sa Barangay San Isidro Village, Virac, Catanduanes.
Naarestar an suspek sa bisa kan mandamiento de aresto kan 5th Judicial Region Regional Trial Court Branch 43 sa kasong Statutory Rape sa irarom kan Article 266-A, Paragraph 1(D), Criminal Case 11635, 11636 asin 11637 na warang pigrekomendang piyansa.
Timbog an suspek sa pinagsarong operatiba kan Virac Municipal Police Station, Catanduanes 1st Provincial Mobile Force Company asin Regional Intelligence Unit 5 Provincial Intelligence Team Catanduanes.
Mientrastanto, an suspek nasa kustodiya kan Virac Municipal Police Station para sa dokumentasyon asin nakatalaang ihampang sa korte para sa magkakanigong proseso.
