LEGAZPI CITY – Na-obserbaran kan sarong Political Science Professor an pagkakaiba kan pagkapot asin paagi ni Senate Pro Tempore Ping Lacson asin Senator Rodante Marcoleta mapadapit sa Senate Blue Ribbon Committee hearing.
Segun ki FEU Political Science Professor Francisco Riodique intrevista kan Bombo Radyo Legazpi na enot sa saiyang napansin an pigsusunod ni Sen. Lacson an oras asin pigrerespeto an mga kapwa niya senador kompara sa termino ni Sen. Marcoleta na nagrereklamo an ibang senador huli ta dae na natatawan nin oras na magtaram asin maghapot sa mga resource person.
Base man saiya an mas pormal paghilingon asin mas precise an pinakahuring committee hearing huli ta bago pa maghapot si Sen. Lacson an nakahanda na suboot an saiyang mga ebidensya enkasong may narisa siyang nag-uutik.
Pigdoon niya man an pagkakadiskubre kan senador sa modus kan kinonsiderang Bulacan Group of Contractors o BGC Boys na pigsusubli ninda an lisensya kan contractor asin sinda na an magibo kan kontrata na nagigin ghost project.
Pigtaram pa kan naunambitang propesor na sa ibong kan dawit sa anomalya si Senator Jinggoy Estrada asin Senator Joel Villanueva an tinawan nin tyansa ni Lacson na magtukaw sa hearing alagad pwedesir ining magamit na magkaigwa sinda nin political grant standing.
Suhestyon niya man na sa privilege speak na sana dapat suboot pinasabay an duwang imbweltong senador huli ta dapat precise an ipigtataram na mga impormasyon sa mga pagdangog partikulamente na sa Senate Blue Ribbon Committee hearing.
Pigdoon niya man na sala an ginibo ni Sen. Villanueva na garing denepensaran niya an saiyang sadiri sa nangyaring pagdangog huli ta may ibang forum na pwedesir ining gibuhon.
Sa kabilugan an pig-omaw ni Riodique an pagigin patas ni Senator Lacson nganing aramon an katotohanan sa ibong kan magkahalong totoo asin kautikan an ipigbubuyagyag kan mga resource person kompara sa hearing na pigpapangenotan ni Sen. Marcoleta.
