LEGAZPI CITY-Pinaliwanag ni Vice President Sara Duterte na sinadya niyang dai magpahiling kay dating Vice President asin ngonian Naga City Mayor Leni Robredo sa saiyang pagbisita sa Naga City para sa Peñafrancia Festival.
Segun sa Bise, na mawot niyang protehiran si Robredo hale sa mga batikos na posibleng itapok sa saiya kan mga kaalyado kaini.
Hinapot man si Duterte kun nagkaolay sinda sa telepono ni Robredo, lagad sinimbag niya na wara sinda na number sa kada saro.
Magigirumduman na nagatendir si Duterte sa Marian procession kan Setyembre 14 bilang parte kan Peñafrancia Festival, an pinakadakulang Marian celebration sa nacion.
Dati naman na naghilingan sa kaparehong selebrasyon sinda Duterte asin Robredo sa Naga City.
