LEGAZPI CITY – Pighayag kan sarong konsehal sa ciudad kan Legazpi na nagin magayon an impact kan selebrasyon kan Ibalong Festival partikular na sa tourism related business.
Segun ki Councilor Alan Rañola sa intrevista kan Bombo Radyo Legazpi na nagpapasalamat siya sa mga nakisumaro asin naki-ugma sa enterong durasyon kan aktibidad huli ta narisa ninda punuan an mga restaurant asin iba pang kaunan sa ibong kan kadiit na aldaw na preparasyon.
Pagkatapos suboot kan matrayumpong selebrasyon an makondusir na sinda nin post-evaluation report kan naunambitang festival kabale na digdi an financial report para sa transparency.
Pigpa-planuhan niya man na ibalik an “Ibalong the Musical” asin presenteng nakikipag-koordinar sa Tanghalang Pilipino nganing maipaluwas na ini sa Cultural Center of the Philippines asin sa ciudad kan Legazpi.
Pigtaram pa kan opiyal na sa masunod na taon an mapoon na sinda sa pagpa-plano kan Ibalong Festival 2026 bandang bulan nin Enero nganing mapag-adalan an gabos na mga aktibidad huli ta narisa ninda na kadaklan sa aktibidad kan Ibalong Festival ngonian na taon an maluya asin dae pigdalan kan mga tawo.
Nakatalaan man siyang magsunad nin ordinansa mapadapit sa petsa kan selebrasyon kan festival nganing dae na ini maglipat lipat nin petsa na makakatabang man sa pagpapa-uswag kan turismo sa ciudad.
Parte man suboot kan saindang marketing strategy an rebranding huli ta makakatabang ini sa pag-attract nin mga tawo na magbisita sa ciudad mantang plano man nindang ibale an saindang mga nasasakupan asin mga negosyo sa bagong brand kan Legazpi City.
Pagdoon man ni Rañola na nagin magayon an selebrasyon kan Ibalong Festival ngonian na taon huli sa pakikisumaro kan mga lokal na negosyante asin Legazpeño na pigkokonsidera nindang tagsadiri kan taunang selebrasyon sa ciudad.
