Isinunad ni House Majority Leader Sandro Marcos an House Bill No. 3661 na obhetong ipagbawal sa mga kaparientes kan mga opisyal kan gobierno sagkod sa ika-apat na antas nin relasyon na makipagkontrata sa gobierno.
An nasabing propwesto an simbag sa haloy nang nililigalig nin mga alegasyon kan nepotismo, padrino system, asin kurapsyon, an suhestyon na ini an pagputol sa kultura kan pansadiring interes.
Pagdoon pa ni Marcos na an pondo kan banwaan an para sa namamanwaan; asin bako ini nganing ipayaman an mga kaparientes kan opisyal o tawan nin bako makatarungang bentahe.
Nagtutubod si Marcos na an nasabing propwesto an sarong lakdang pasiring sa gobyernong patas, malinaw, asin tunay na para sa namamanwaan.
Alagad para ki Sandro Marcos, an pagiging lider an bako sana mapadapit sa popularidad, kundi sa pagpili nin tama, maski bako ini madali.
Pagdoon kan majority leader na may utang kita sa lambang Pilipinong nagbabayad nin buwis kaya kada pisong pigkokolekta kan gobierno an dapat piggastos nin may buomg ingat asin integridad.
