Makakabakal na saaga an mga obrero hale sa sektor kan transportasyon nin subsidized na bagas sa irarom kan P20 kada kilo nin bagas na programa kan gobyerno saaga.
Segun sa Department of Agriculture (DA), 57,000 public transport workers an mag-a-avail kan subsidized rice.
Kabale sa mga naunambitang obrero an mga bus, jeep, tricycle asin transport operator.
Sa irarom kan programa, an mga kuwalipikadong driver asin operator an tutugutang makabakal sagkod 10 kilo nin bagas kada bulan sa subsidized na presyo.
Kabale sa mga ipigdesignar na distribution centers iyo an Philippine Fisheries Development Authority sa Navotas, Bureau of Animal Industry and Agricultural Development Center sa Quezon City, Agribusiness and Marketing Assistance Division sa Cebu, Food Terminal Inc., warehouse sa Angeles, asin an Agribusiness and Marketing Assistance Office sa Tagum.
