LEGAZPI CITY-Kinumpirma ni Atty. Ferdinand Topacio na pinagayan makapag-piyansa kan korte an saiyang kliyente na si dating Negros Oriental Rep. Arnolfo ‘Arnie’ Teves Jr.
Segun sa ipinaluwas na resolusyon kan Manila Regional Trial Court Branch 12, niresolba kaini an “Motion for Bail” na isinangat kan kampo sa akusadong si Teves.
Partikular ini sa kasong “murder” na saiyang pigkakahampang na isinangat poon pa kan 2019.
Pigpapabayad si dating Congressman Teves Jr. nin kantidad na P120,000 para sa saiyang temporamenteng libertad sa partikular na kaso.
Sinabi man ni Topacio na igwa pang pending bail petitions sa duwang kaso alagad magigin maluya ini huli political motivated sinda.
Alagad, dai man suboot nanganaghulugan na tulos na makakaluwas sa kulungan si Teves huli sa igwa pa ining pigkakahampang na ibang mga kaso.
