Piglinaw kan legal team ni dating Presidente Rodrigo Duterte ngonian na aldaw an rason kan saindang kahagadan para sa adjournment proceedings sa kaso kaini na war on drugs sa International Criminal Court.
Segun ki Nicholas Kaufman, lead counsel ni Duterte, may helang na ‘cognitive impairment’ an 80 anyos na dating presidente kun kaya dae siya makakaatender sa hearing.
Dae man suboot namimidbidan kan dating presidente an saiyang mga aki asin dae na nagigiromdoman an mga kaso na saiyang pigkakahampang.
Huli kaini, nagtutubod sinda na dae na mararahay an salud kan dating presidente kun kaya hinagad ninda sa Pre-Trial Chamber na i-adjourn an gabos na legal proceedings sa saiyang kaso sagkod sa panahon na daing talaan.
Nagsumiter man sinda nin mahiwas na medikal na impormasyon kan dating presidente sa ICC.
Dati nang naghagad an kampo kan dating presidente na tugutan kan gobierno kan Pilipinas an saiyang pagpapauli sa oras na maaprobaran na an saindang hinahagad na interim release.
