LEGAZPI CITY-Ipigbuyagyag ni President Ferdinand Marcos Jr. an rason kun nata niya sinibak sa puwesto si General Nicholas Torre III bilang PNP Chief.
Huli suboot ini sa pagsuway ni Torre sa direktiba hale sa National Police Commission (NAPOLCOM).
Sinabi kaini na pihsuway ni Torre an NAPOLCOM kun sain dai ini nag-uyon sa nagkapirang direktiba.
Dagdag pa kan Presidente na kan makaolay niya si Torre an sinabi niyang igwang chain of command na dai basta pwedisir ipagsawarang bahala.
Huli digdi, sinabi niya kay Torre na tatanggalon niya ini sa puwesto kun sain halipot an nagin simbag kan dating PNP chief.
Nagtutubod man an presidente na sarong matibay na pulis si Torre huli sa pigpoprotehiran niya an saiyang mga tawo.
Pignegaran man ni Marcos an mga orolay na nawaran ini nin pagtubod kay Torre kaya niya ini ipinatanggal.
