LEGAZPI CITY-Pighikayat kan presenteng kalihim kan Department of Justice na si Secretary Jesus Crispin Remulla an mga ‘nepo babies’ o mga aki kan nagkapirang pulitiko asin indibidwal na imbuelto sa isyu na magsangat nin kasong ‘cyberlibel’.
Kan hapoton an kalihim, komento niya na dapit sa mga nasabing indibidwal na pigbabatikos ‘online’, an suboot ipaagi dapat sa sa tamang proseso.
Kung sain, saiyang pighihikayat an mga ini na magsangat nin kaso sa prosecutor’s office enkaso mawot nindang magreklamo.
Bukas man suboot an opisina kan mga piskal para sa mga reklamong mawot nindang idulok katakod kan isyu laban sa mga indibidwal.
Pansin man sa manlain-lain na social media platforms an ‘bashing’ o pambabatikos kan publiko bilang pangapudan sa mga kontratista asin pulitikong igwang kinaaraman sa ‘ghost projects’.
