LEGAZPI CITY—Padagos sa pagkundusir nin training an Albay Veterinary Office mapadapit sa pag-ataman nin mga itik asin pabo para sa food security kan provincia.
Segun ki Albay Veterinary Office Provincial Veterinarian Dr. Pancho Mella, sa intrevista kan Bombo Radyo Legazpi, na dapat afuera sa orig, dapat may iba pang commodities na pwedesir na magin pagkaon kan namamanwaan.
Regular nindang piggibo an training sa mga paraooma para sa mga updates sa modern production kan husbandry o trainings mapadapit sa animal production.
An nasabing plano an resulta kan saindang focus-group discussion sa mga local government units kun saen pig-aram ninda an pangangaipuhan kan sarong lugar.
Segun saiya na an training an nakakatabang sa pagpadakol kan produksyon sa mga paraooma asin urog na nakakatabang sa food security.
Dugang ni Mella na mas diit an production cost sa pag-ataman nin itik asin pabo kumpara sa orig na kinakaipuhan nin housing asin feeds.
Kinakaipuhan man suboot na mag-invest nin production kan nasambitang mga hayop para man sa food security huli sa nagdadakol na populasyon siring man nganing makatabang sa paghahanap buhay kan mga paraooma.
Nakikipagkoordinar man sinda sa mga local government units nganing magkundusir nin mga siring na trainings sa animal production.
Abiso man kan opisyal na pwedesir makipagkoordinar sa mga lokal na gobierno an mga interesado na mag-training sa pag-ataman nin mga hayop.
