LEGAZPI CITY—Pinoonan na an rehabilitasyon kan lubak-lubak na tinampo sa parte kan Purok 4, Barangay 38 – Gogon, Legazpi City.
Segun ki Barangay Gogon Kagawad Richilda Atun, sa intrevista kan Bombo Radyo Legazpi, nagpoon suboot an pagkonstruir kaini ngunyan na Setyembre alagad na-octaba nin duwang aldaw huli ta pighahalat an back hoe na gagamiton para sa paggudak kan tinampo.
May nagreklamo man suboot mapadapit sa proyekto na sa ngunyan nakipagkoordinar asin naka-ulay na an engineer na nakakua kan project sa lugar asin sa ngunyan nagin malinaw na an saindang isyu.
Sa presente, pwedesir pa man suboot na magluwas asin maglaog an mga behikulo sa lugar asin aabisuhan man kan kontraktor en kaso magduro-diretso na an saindang pagtrabaho sa tinampo.
Segun sa opisyal na pwedesir abuton nin labi sa sarong bulan an patrabaho o depende sa magigin kamugtakan kan panahon.
Mientrastanto, naghahagad man nin despensa an opisyal sa mga residente kan Barangay Gogon kun nao-octaba an patrabaho sa lugar, asin naghahagad man ini nin pasensya sa publiko asin pagsabot sa sitwasyon.
Segun ki Atun na sisiertohon ninda na maayos an trabaho sa nasambitang lugar.
