LEGAZPI CITY—Maabot sa tulong ospital sa rehiyon kan Bicol an accredited na ngunyan kan Philippine Health Insurance Corporation (PhilHealth) para sa pag-avail kan Z-Benefit package.
Basado sa ahensya, an Z Benefit-package an may obheto na makapagtao nin “financial risk protection” para sa mga may malalang kamatean siring man sa mga nangangaipuhan nin panghaluyan na pagbubulong.
Ini kun saen mas dakula an package na ipigtao kan ahensya nganing mas dakula an tsansa na makapag-avail an mga Pilipino nin serbisyo sa mga accredited hospitals asin mabayadan man nin tama an mga ospital.
Kaiba sa mga serbisyong pangsalud na pig-ofresir kan Z-Benefit package an bypass, kidney transplant, dialysis asin iba pa.
Segun ki PhilHealth Regional Vice President Alberto Manduriao, sa intrevista kan Bombo Radyo Legazpi, na kaiba sa mga ospital sa Bicol na accredited kan nasambitang ahensya sa pag-avail kan package an Bicol Regional Hospital and Medical Center (BRHMC), Bicol Medical Center, asin ACE Medical Center.
Sinabi niya na dae na kaipuhan na magpasiring kan mga Bicolano sa Metro Manila nganing makapag-avail kan Z-benefits, huli ta sa Bicol pa sana igwa nang accredited facilities na kaya man na magtao nin serbisyo na kapareho kan kapasidad sa Metro Manila.
Dugang pa ni Manduriao na an provisions sa BRHMC an sinda an ma-provide kan Z-Benefit package para sa mga nasambitang helang asin matao sinda nin libreng serbisyo para sa mga tios basta yaon sinda sa ward-type accommodations na kun saen wara sindang babayadan pagluwas ninda sa ospital.
Mientrastanto, pwedesir man suboot na mag-apply an iba pang ospital sa accreditation alagad kinakaipuhan na may kakayahan sinda siring kan pagkakaigwa nin mga magkakanigong pasilidad nganing maitao an serbisyo.
