LEGAZPI CITY-Assistant Majority Leader kan Commission on Appointments, handa sa mga popular asin kontrobersiyal na mga itatalaga kan presidente asin i-aasigurar an balanseng proseso.
Nakahanda sa posibleng mga popular asin kontrobersiyal na mga appointy o an mga itatalaga sa posisyon kan presidente an bagong ilihir na Assistant Majority Leader kan Commission on Appointments asin Bicolano Lawmaker kung sain inasigurar na pag-check asin balansing pag-proseso digdi.
Segun kay Assistant Majority Leader of the Commission on Appointments Atty. Alfredo Garbin, sa intrevista kan Bombo Radyo Legazpi na hahalaton ninda an mga itatalagang opisyal kan presidente asin enkaso na mairefer sa saindang komisyon, an kaipuhan nindang busisihon kun sisay an mga kontrobersiyal na mga personalidad digdi.
Tinawan doon man ni Garbin na nakahanda sinda sa ngonian sa mga kontrobersiyal na opisyal alagad sa ngonian wara pa man sindang nahihiling suboot nin mga kaduda-duda sa saindang mga kwalipikasyon.
Sinabi man ni Garbin na bilang bagong opisyal kan komisyon an dakulang honra alagad dakulang responsibilidad kung sain gagampanan niya an pagrepaso asin an pagsierto sa mga kwalipikasyon kan mga pig-appoint kan presidente.
Sa presente, nakatalagang isairarom suboot sa kumpirmasyon an apat na ahensiya asin mga kalihim kaini kariba na si Secretary Sharon Garin kan Department of Energy (DOE), Secretary Raphael Lotilla kan Department of Environment and Natural Resources (DENR), Secretary Henry Aguda kan Department of Information and Communications Technology(DICT) asin Secretary Dave Gomez kan Presidential Communications Office (PCO).
Afuera digdi an nakatalaga man na maghagad nin kumpirmasyon hale sa saindang komisyon an mga nag-aapply na Heneral, Admiral, Colonel, asin Naval Captain.
