LEGAZPI CITY-Pighikayat kan 1st District Board Member kan provincia kan Sorsogon an sangguniang bayan ngani magpasa nin resolusyon bilang suporta kay Senate President Chiz Escudero.
Segun kay 1st District Sorsogon Board Member Ed Atutubo, sa intrevista kan Bombo Radyo Legazpi, na bilang mga bikolano pighahagad kan saindang resolusyon an suporta kan sanggunian bayan kairiba na an League of Vice Governor of Philippines, board Members of Philippines, Councilor League of Philippines, National Movement of Young Legislators, Sangguniang Kabataan Federation, asin an mga Barangay Captain Organizations.
Dugang pa ni Atutubo na huli ini kan paninindugan ni Senate President Escudero mapadapit sa impeachment kan Bise Presidente asin an pagli-link sa saiya sa mga kontrobersiya orog na sa isyu kan flood control project komo kaiba an sarong contractor kan Sorsogon.
Dagdag pa niya na saro ining kritisismo, asin igwang katuyuhan asin paghingoa na pahalion siya bilang presidente kan Senado.
Pigtawan doon man niya na warang ginibong kontrobersiya o eskandalo si Escudero poon pa kan siya magin gobernador kan provincia kan Sorsogon.
Kairiba man niya bilang author kan resolusyon an mga miyembro kan sangguniang bayan kung sain ipapasa ini sa kongreso ngani na maitao an kopya sa senado.
Obheto man kan saindang resolusyon na maaraman na sinusuportahan si Escudero kan mga organisasyon, ipahiling na nagtutubod sinda sa opisyal, asin maghagad nin suporta para sa senate president.
