LEGAZPI CITY-Nagdepensa an Malakanyang mga batikos sa dai pagbanggit ni President Ferdinand Marcos Jr. sa saiyang State of the Nation Address (SONA) sa paglaban sa online gambling.
Sinabi ni Palace Press Officer Claire Castro na dai naghihidali an Presidente asin pinagaadalan niyang maray an panukala sa pagbabawal kan online gambling sa nacion.
Dakulang tabang sa namamanwaan an kita na nakukuwa kan gobierno sa mga lisensyadong online gambling sites.
Pighahalimbawa ni Castro an pagbabawal ni dating Presidente Rodrigo Duterte kan online sabong alagad namayagpag man giraray ini sa mga illegal sites.
Magigirumduman na nagkapirang panukalang ley na an isinangat sa senado asin nagkapirang mga grupo na man siring kan simbahan an nangangapudan sa tulos na pagtanggal sa pagtanggal kan online gambling huli sa kadakol na buhay an nararaot asin nalululong digdi.
