Puminakol na sa P17 trillion an kabilugang utang kan nasyon.
Segun sa Bureau of Treasury (BTr) na an naunambitang bilang an nairehistro kan bulan nin Hunyo kun sain ini an huli sa halangkaw na local borrowing para mapunan an fiscal shortfall.
Igwa man na nairehistro na 2.1 percent na kada bulan na paglangkaw kan utang nin nasyon hasta uminabot ini sa P17.27-T na bagong record high.
Dugang pa kan BTr na sa pagpuon kan taon an utang an naglangkaw nin 7.6 percent o P1.2 trillion.
Base sa datos kan ahensiya na an domestic borrowing an naglangkaw nin 1.4 percent o katampad nin P11.95 trillion.
Mantang an external debt an naglangkaw nin 3.5 percent o katampad nin P5.32 trillion.
Inasigurar man kan BTr na maski na naglangkaw an utang an nagtitiner pa man na sustainable an gobyerno.
