Ipigsugo kan Quezon City Regional Trial Court an pag-arestar sa veteran showbiz columnist asin radio host na si Cristy Fermin.
Katakod ini kan kasong libel na isinunad kan aktres na si Bea Alonzo kan nakaaging taon laban ki Fermin.
Kaiba man sa pinapaarestar an mga co-host ni Fermin na sinda Rommel Villamor asin Wendell Alvarez.
Sinabi ni Presiding Judge Cherry Chiara Hernando na may bastante na rason nganing idagos an paglilitis laban sa mga akusado.
Ipigtalaan kan korte an piyansa ninda sa kantidad na tig-P48,000.
Katakod an kaso sa napag-ulayan ninda Fermin, Rommel asin Wendell sa online show mapadapit sa naudlot na engagement kan aktres ki Dominic Roque.
Kaiba na digdi an suboot dae pagbabayad nin buwis kan daraga.
Segun ki Bea, siya an nagin biktima nin sala, malisyoso asin mapanraot na impormasyon na gikan sa nagpapanggap na harani saiya na iyong pig-uulayan sa show ni Fermin na wara man suboot nin basehan.
