Nakatalaan nang magboto an Senado kun magpapadagos an impeachment trial laban ki Vice President Sara Duterte, kasunod kan desisyon na saindang naresibe gikan sa Korte Suprema.
Segun sa Senate Impeachment Court spokesperson na si Regie Tongol, nag-abot kan Hulyo 25 an pormal na transmittal kan ruling gikan sa SC, na nagsasabi na unconstitutional asin kulang sa due process an mga Articles of Impeachment na isinangat laban ki Duterte.
Tinawan doon kan Korte Suprema na an impeachment complaint laban sa Bise Presidente an pwedeng isunad liwat poon Pebrero 6, 2026.
Maski malinaw an desisyon kan SC, nababanga pa man liwat an mga senador kun dapat na ipadagos an paglilitis.
Nagkapirang mambabatas asin eksperto sa ley, arog ni Atty. Domingo “Egon” Cayosa, nagsabi na igwa pa nin poder an Senado na ipadagos an proseso nin huli sa “exclusive power” ninda sa orolay na impeachment.
Tinawang-duon ni Tongol na bilang co-equal branch kan gobyerno, may obligasyon an Senado na igalang an pinal na desisyon kan Korte Suprema.
Tolong impeachment complaints an isinunad laban ki Duterte kan Disyembre 2024 na gabos may relasyon sa suboot salang paggamit kan confidential funds.
An ikaapat na reklamo, na inendorso kan labi 1/3 kan mga miyembro kan Kamara, iyo an saro na pormal na ipinasa sa Senado.
Sa saiyang parte, sinimbag ni Duterte an reklamo sa impeachment sa paagi nin “not guilty” plea asin makusog na inapod an reklamo na “scrap of paper.”
