LEGAZPI CITY-Nakaresibi an Filipino KATSEYE member na si Sophia Laforteza nin sadiri niyang Manananggal doll hale sa kolaborasyon kan grupo sa Monster High, na popular na fashion doll franchise.
Bisto an Monster High sa mga kakaibang konsepto nin teenager characters siring kan Dracula asin Frankenstein.
Sa social media post ni Sophia, na nakasulog nin parehong bado kan saiyang Manananggal doll, nagrepleka sa paguswag kaini.
Nakaresibe man an iba pang myembro kan grupo nin sadiri nindang custom dolls.
Sinabi man ni Sophia na mawot niyang mabistohan bilang Filipino kairiba na an kultura kan mga Pilipino mantang nagpapadagos an saindang grupo sa global music scene.
