Nagpatanid an Ministry of Education kan China sa mga estudyanteng nagbabalak na mag-adal sa Pilipinas.
Ini sa tahaw suboot kan paghalangkaw nin mga krimen na nagta-target sa Chinese nationals.
Sa inisyung warning kan Ministry na ini-report kan sarong state-owned Chinese media inabisuhan kaini an mga estudyante na masusing kilatison an mga posibleng huma sa seguridad asin pakusugon an kamalayan asin pag-iingat kun ikokonsiderang mag-adal sa Pilipinas.
Nakabugtak man sa report na pig-post online kan Chinese Embassy na nakabase sa Maynila na pirmi suboot nangyayari an mga insidente kun saen imbuelto an local law enforcement sa pangha-harass asin pag-inspeksiyon sa mga Chinese nationals asin mga negosyo siring man na nagigin komun na suboot an nangyayari sa nacion an political gatherings, protesta asin demonstrasyon na nagreresulta sa huma sa seguridad kan mga Chinese national asin institusyon sa nacion.
Pigpapaiwas man an mga Chinese nationals sa mga political gatherings asin matatawong lugar asin mahigot na i-monitor an sitwasyon asin ibataran an unnecessary outings.
Inabisuhan man an mga Chinese na magsunod sa lokal na ley asin regulasyon asin magtenir na alerto kontra sa posibleng safety traps o scams.
Sa presente, wara pang pahayag na ipigluwas an Department of Foreign Affairs (DFA) katakod sa nasabing patanid kan Ministry of Education kan China.
