LEGAZPI CITY-Nahilingan nin pagkusog an tropical storm Crising, bago an laomang pagtama kaini sa extreme Northern Luzon.
Nahiling an sentro kan bagyo sa rayong 195 km sirangan kan Tuguegarao City, Cagayan.
Naghihiro ini pasiring sa kanluran mantang padagos na nagrarani sa kadagaan.
Dara kaini an pinakamakusog na paros na nasa 75 km/h harani sa sentro, asin pagbugso na nagaabot sa 90 km/h.
Itinaas an Signal No. 2 sa Batanes, Cagayan (kairiba an Babuyan Islands), Isabela, Apayao, Kalinga, Ilocos Norte, norte asin tahaw na parte kan Abra, sirangang parte kan Mountain Province asin Ifugao, asin norte kan Ilocos Sur.
Sakop man kan Signal No. 1 an Quirino, natatadang parte kan Mountain Province, Ifugao, Abra, Benguet, Ilocos Sur, La Union, norte kan Pangasinan, norte kan Aurora, asin northwest kan Nueva Ecija.
Pigpapayuhan an mga residente sa mga apektadong lugar na mag-ingat sa posibleng pagbaha, landslide, asin makusog na paros.
Padagos na mino-monitor kan mga otoridad an hiro bagyo ngani makapagtao nin susunod na babala sa publiko.
