Inalmahan kan grupo nin parasisira na Pambansang Lakas ng Kilusang Mamamalakaya ng Pilipinas (Pamalakaya) an pagbagsak kan presyo nin tawilis sa P100 kada kilo gikan sa dati kaining presyo na P250, kasabay kan mga report na an mga hawak kan nawawarang sabungero na itinapok suboot sa Taal Lake.
Segun sa Pamalakaya, nakaresibi sinda nin mga report sa pirang banwaan sa Cavite na an tawilis an ipigpabakal sa pinakahibabang presyo na P100 kada kilo.
Ipighayag man kan grupo an pagkahadit kan mga parasisira gikan sa mga lugar sa palibot kan Taal Lake sa Batangas, na nakakaeksperyensya nin takot an publiko sa pagbakal nin sira gikan sa lugar.
Pahayag ni Fernando Hicap, presidente kan Pamalakaya, na kun siring an presyo kan tawilis sa merkado, sierto na mabagsak an farm-gate price kaini para sa mga parasisira sa Taal.
Mantang enot nang sinabi kan Bureau of Fisheries and Aquatic Resources (BFAR) na ligtas kaonon an sira gikan sa Taal Lake, alagad segun ki Hicap na naapektaran man liwat an presyo kan tawilis huli sa mga report na may mga hawak na itinapok sa lawa.
Pighagad ni Hicap sa Department of Agriculture asin BFAR na magtaong tabang sa mga parasisira sa paagi kan direktang pagbakal kan saindang produkto asin engganyaron an publiko na padagos na suportaran an mga parasisira sa Taal.
Magigiromdomang enot nang nagpuon an mga technical diver gikan sa Philippine Coast Guard kan retrieval operations sa Taal Lake kan Biyernes nganing hanapon an mga hawak kan nawawarang sabungeros na nawawara puon pa kan Abril 2021 sagkod Enero 2022.
 has lamented the drop in the price of sardines (Sardinella tawilis) to P100 per kilo from its previous price of P250, amid reports that the bodies of missing sabungeros have been dumped in Taal Lake.){kind=link}