LEGAZPI CITY – Himas rehas an inabot kan sarong administrative Aide kan DepEd Sorsogon asin duwang indibidwal makalihis na madakop sa isinagibong operasyon kan Philippine Drug Enforcement Agency (PDEA) Bicol sa Sitio Buang, Brgy. Rawis, Donsol, Sorsogon.
Segun ki PDEA Bicol Spokesperson Carlo Fernandez sa intrevista kan Bombo Radyo Legazpi na nadakop sa aktong nagsasagibo nin pot session kan oras na ikinondusir an operasyon.
Nakompiska sa mga suspetsado an poco mas o menos 13 gramos kan pigtutubudang shabu na pigkakarkulong nagkakantidad nin P88,400 asin an mark money na ginamit sa operasyon.
Base man suboot sa isinagibo nindang case buld-up an napag-araman na piggigibong drug den palan an harong kan saro sa mga suspetsado.
Pigtaram pa kan opisyal na naisakatupadan an operasyon sa pakikipagtabangan kan PDEA Sorsogon Provincial Office, Donsol Police Station, Regional Intelligence Unit 5 (RIU5) PIT-Sorsogon.
Nagtaong pasalamat man ini sa mga namamanwaan asin iba pang law enforcement agencies huli sa mahigot na pakikipagkoordinar sa sainda nganing masawata an mga siring kaining ilegal na gawi.
Sa presente an isinairarom na sa inquest proceedings an mga suspetsado asin mahahampang sa kasong pagbayolar sa Republic Act 9165 or the Comprehensive Dangerous Drugs Act of 2002.
Paglinaw man ni Fernandez na nahahaluyan an iba sa saindang pag-aksyon huli ta isasairarom pa ini sa validation, verification, asin case build-up nganing masyerto man na karsel an babagsakan kan mga suspetsado sa oras na madakop sinda kan saindang ahensya.
 Bicol in Sitio Buang, Brgy. Rawis, Donsol, Sorsogon.){kind=link}