LEGAZPI CITY-Nagpaluwas nin bagong rebelasyon an whistleblower asin saro sa mga suspek sa kaso kan mga nawawarang sabungero na si Julie Patidongan alyas Totoy.
Ibinuyagyag ni alyas Totoy na dinukot suboot an mga sabungero asin ginadan sa sarong slaughterhouse harani sa sarong fishpond sa Laurel, Batangas.
Kung sain nagkapira suboot sa mga biktima na sangkot sa game fixing, itinapok sa parte kan Taal Lake.
Naenot nang siniwalat ni Patidongan na an nagkapirang mga lawas kan mga sabungero, igwang nakagakod na sandbag ngani dai suboot maglataw asin magtenir sa irarom kan lawa.
Pigistorya pa kan whistleblower na an sistema, iyo an pagdukot kan mga suspek an mga sabungero saka sa sunod na aldaw kukuwaon ninda an bayad sa sainda na kabangang milyones asin sainda man na ginadan an gabos na imbuelto, mapa-aki man o bados asin wara suboot na pigtatada sa mga ini.
Sinabi din ni alyas Totoy na igwang nagkapirang pulis na imbuelto man sa kaso an mawot na magtaram kan saindang naaraman asin handang makipagtabanagn sa mga otoridad.
Saro pa suboot digdi an pigaapod na “Vito” na iniladawan ni alyas Totoy na sarong lieutenant colonel na nagserbing team leader.
Binayadan suboot ini nin nasa P2 million kada bulan sa saiyang nagin papel.
Nakatakda man na magsumite si Patidongan kan saiyang official affidavit sa alaw nin Lunes mapadapit sa kaso kan missing sabungeros.
