LEGAZPI CITY-Target isumiter kan Development Budget Coordination Committee (DBCC) an proposed budget para sa masunod na taon na nasa P6.793 trilyon.
Makalihis ini na aprobaran kan komite sa pamamayo kan Department of Budget and Management (DBM).
An proposed national budget para sa taong 2026 mas halangkaw nin 7.4% kaysa sa national budget ngonian na taon na nasa P6.326 trilyon. Katumbas ini kan 22% kan gross domestic product (GDP) kan nacion.
Sa sarong press conference kasunod kan ika-191 na pagtiripon kan nasambitang ahensiya, sinabi ni DBCC Chairperson asin Budget Secretary na si Amenah Pagandaman, na ipraprayoridad kan 2026 national budget an human capital development sa paagi kan pagtutok sa pamumuhunan sa dekalidad na edukasyon, healthcare asin workforce upskilling.
Padagos na pamumuhunan an Build, Better More Infrastructure Program kan asministrasyon ni Marcos administration asin digital transformation na nakasunod sa Philippine Development Plan (PDP) kan taon 2023-2028.
Segun sa Budget chief, enot nang nakaresibe an DBM kan agency budget proposal na P10.101 trillion alagad huli sa limitadong fiscal space, nangako an gobierno na padiit diit na pababaon an fiscal deficit sa medium term, sa paagi man nin mabusising evaluation process.
Masusi man suboot an pigbusisi an kapasidad kan mga ahensiya ngani masierto an epektibong paggastos sa mga pondo.
Mientrastanto, segun DBM target na isumiter an 2026 National Expenditure Program sa Kongreso sa maabot na Agosto.
