Ipigdesignar ni Pope Leo XIV si Brother Armin Luistro, dating kalihim kan Department of Education asin presenteng miyembro kan De La Salle Brothers, bilang parte kan Dicastery for Institutes of Consecrated Life and Societies of Apostolic Life sa Vatican.
Kinumpirmar an saiyang pagkakadesignar sa press bulletin kan Vatican kan Martes, Hunyo 24.
Segun sa La Salle Global, an nasabing lakdang an sarong malinaw na simbolismo kan “synodal path” na pigbabaybay kan mga Lasalyano kaiba an Simbahan.
An Dicastery an may mandatong ibusol asin pangenotan an mga kongregasyong panrelihiyon asin mga sekular na institusyon na namumuhay segun sa evangelical counsels sa laog kan Simbahang Katolika.
Si Luistro an kaenot-enoteng Asyanong superior general kan Lasallian Brothers, sarong lay religious congregation na itinatag sa France asin ngonian an may opisina sa Rome.
Piglalaomang magigin importanteng ambag an pagkakadesignar kay Luistro sa pagpapatibay kan consecrated life sa laog kan Simbahan sa enterong kinaban.
