LEGAZPI CITY-Marikas na nadaog kan pambato kan Pilipinas na si Alex Eala an saiyang kalaban na Turkish na si Zeynep Sonmez, na igwang bilog na pontos na 6-1, 6-3, ngani magpoon an saiyang kampanya sa qualifying round kan Eastbourne Open.
An nsambitang laban naghalawig sana nin sarong oras asin doseng minuto.
Pagkatapos kan 1-1 na tabla, binari ni Eala an serbisyo ni Sonmez nin duwang beses ngani manggana nin limang sunod-sunod asin makua an enot na set.
Sa ibong kan mga pagsikap ni Sonmez na magin exciting an laban, nangibabaw man giraray si Eala sa ikaduwang set, na nagin result akan matrayumpong pagkagana ni Eala.
Hahampangon ni Eala an 23-anyos asin world no. 56 na si Hailey Baptiste kan Estados Unidos sa Domingo sa final round kan mga kwalipikasyon.
An manggaganang atleta sa laban, maabante man sa main draw.
