LEGAZPI CITY-Ipighayag kan Taiwan na labi sa 70 na Chinese military aircraft an nag-agi sa saindang teritoryo sa laog nin 24 oras.
Nangyari an insidente pirang aldaw makalihis na maglayag an sarong barko kan United Kingdom sa Taiwan Strait.
Padagos suboot an pagpapakusog kan Tsina sa pagdeploy nin mga fighter jets asin naval vessels sa Taiwan.
Nanindugan man an Tsina na parte pa man giraray ninda an nasabing Isla alagad pigninigaran ini kan Taiwan.
Pignegaran man kan Tsina an pagkaharani kan Taiwan sa Estados Unidos.
Magigirumduman na kan nakaaging aldaw, an British Royal Navy patrol vessel na HMS Spey naglayag sa Taiwan Strait kung sain kinondenar ini kan Tsina asin nagsabi na mas dakul na kariribokan an dara kaini.
