LEGAZPI CITY – Naarestar an sarong babae makalihis maghabon ini nin barena o drilling tool sa saiya mismong pinagtatrabahohan.
Segun kay Police Executive Master Sergeant Manuel Marfoso, Public Information Officer kan Manito Municipal Police Station, sa intrevista kan Bombo Radyo Legazpi, an suspek sarong 47 years old asin residente kan Purok 3 Barangay Holugan Manito, Albay.
Dugang pa kan opisyal na dati nang igwang kaso na qualified thef an suspek, sa edad na 18, sa ciudad kan Quezon sa Metro Manila, sa saiyang mismong pinagtatrabahohan, alagad makalihos an 20 na taon, nagtago ini sa Manito sa saiya mismong provincia ngani maibitaran an kinahahampang na kaso.
Nadakop an suspek sa paagi kan mga kooperatiba kairiba an mga kapulisan kan Quezon City Police district.
Mismong amo kan suspek an nagsangat nin kaso na qualified thef na igwang piyansang P40,000.
Mensahe man kan opisyal na kung igwa na mga siring kaini na kaso, dapat aregluhon na asin mga pirang taon pa sinda magtago, madadakop man suboot sinda kan mga kapulisan.
Mientrastanto, nag-preparar na man an Municipal Police Station kan Manito huli sa pagbubukas nin klase asin sa paglatag nin mga grupo nin mga kapulisan ngani magbantay kan kaligtasan kan publiko magin sa traffic asin sa ibang mga posibleng insedente.
Nagpagirumdom man an opisyal sa mga magurang kan mga kaakian na sabihan an mg aini na magingat asin mag-uli sa tamang oras, alagad sa mga motorista na maggamit nin mga kompletong equipment kung mamaneho sa kalsada.
