Nagpagirumdom an Department of Trade and Industry Bicol mapadapit sa mga direchos kan mga konsyumer pag-abot sa saindang pagbakal sa mga merkado.
Segun kay Consumer Protection and Division Chief Ruben Sombon, kan Deparment of Trade and Inductry (DTI) Region 5, sa intrevista kan Bombo Radyo Legazpi, na sa irarom nin Consumer Protection Program, igwa nin mga direchos an mga konsyumer, kairiba an direchos sa saindang inot na pangangaipuhan, pagbawi sa saindang mga binakalan, pagkaigwa nin direchos sa tamang impormasyon, representasyon, edukasyon, asin an pagkaigwa nin malinig na merkado.
Dugang pa ni Sumbon na an responsableng parabakal, iyo ini na nagpa-practice kan saindang man direchos asin nagtatao nin bilog na responsibilidad sa mga ini.
Pigtutugon man kan Department of Trade and Industry sa gabos konsyumer na naa-argabyado sa mahal na singil kumpara sa tamang presyo kan mga produkto, pwedesir sinda na magreklamo asin maghagad nin tabang sa nasambitang ahensiya.
Pagirumdom man kan ahensiya sa mga indibidwal na importante man an mabusising paghiling sa expiry date kan mga barakalon lalo na sa mga food products ngani maaraman ninda na an seguridad kaini.
