Aprubado na kan Kamara an propwestong i-ban an e-sabong sa nacion huli sa maraot na epekto kaini sa mga namamanwaan.
Sa botong 176 inaprubaran sa ikatulo asin huling pagbasa an House Bill 11254.
Segun kay CIBAC PL Rep. Bro. Eddie Villanueva, saro sa may-akda kan propwesto nagin saksi siya kun papano rinaot kan e-sabong an buhay kan kadakol na Pinoy asin saindang pamilya.
Sinabi kan kongresista an pagbabawal sa e-sabong an bako sana legal, kundi orolay na moral.
Pigtawan doon ni Villanueva dae dapat na pabayaan na manaig an pera asin kasakiman, mantang kadakol na tawo an nagdurusa asin nalulong sa sugal.
Sa oras na magin ganap na ley an House Bill, gabos na permit na ipigtao kan Pagcor an idedeklarang “null and void” asin susuguon an gabos na law enforcement asin cybercrime agencies na lansagon an gabos na e-sabong platform.
An mga maporbar na mag-operate sa e-sabong maski ban na an pwedesir makulong an operators nin hasta 20 taon asin pagmumultahon nin hasta P20 million.
