Nakabuwat an Indiana Pacers hale sa 14-point deficit sa ultimong 2:39 kan regulation nganing daugon an New York Knicks sa score na 138-135, sa overtime sa Game 1 kan Eastern Conference Finals.
Pinangenotan ni Tyrese Haliburton an Pacers na may 31 points asin 11 assists, mantang si Aaron Nesmith an nagrehistro nin 30 puntos, kabale an limang three-pointers sa huring tulong minuto kan regulation.
Si Andrew Nembhard an nag-ambag nin 7 points sa overtime, kabale an go-ahead layup na nagtao nin 136-135 na kalamangan sa Indiana.
Si Obi Toppin, an nagrehistro nin breakaway dunk nganing selyuhan an pagkagana.
Sa ibong kan 43 puntos ni Jalen Brunson asin 35 points ni Karl-Anthony Towns para sa Knicks, dae ninda napugulan an rally kan Pacers.
