Kinumpirmar kan Philippine National Police (PNP) na buminaba an mga nagin datos kan mga election-related incidents ngonian na pirilian kumpara sa mga nakaaging eleksyon.
Basado sa datos kan PNP-Public Information Office (PNP-PIO), buminaba nin 53% an kabilugang porsyento kan mga nairehistrong ERI’s ngonian na katatapos pa sanang botohan.
An naging basehan kan datos na ini an huli sa mga nairehistrong 49 na mga insidente na siyang masusing bineripika asin na-validate kan PNP.
An nasabing numero an mas hibaba kumpara sa nairehistrong 103 na mga insidente kan nakaaging Barangay and Sangguniang Kabataan Elections (BSKE) kan nakalihis na taon.
Nahihiling man kan PNP na an mga naging pagbaba kan mga insidente ngonian na eleskyon an patunay sana kan saindang maisog na paninindugan nganing ipaotob an saindang mga naging naresibi na direktiba hale kay Presidente Ferdinand Marcos Jr. asin hale man kay PNP Chief PGen. Rommel Francisco Marbil na mantenirong maray asin matuninong an nagin pirilian.
Kasunod kaini an pinasalamatan kan PNP an saindang mga kapulisan sa enterong nacion para sa saindang matapat na pagganap sa saindang mga nagin mandato kaining katatapos pa sanang eleksyon asin para na man sa saindang ipinamalas na igos, tiyaga asin kagitingan sa saindang sinumpaang mandato.
Afuera digdi an tinawan doon man kan PNP na ini an nagpapahiling sana kan halangkaw na pagpapahalaga kan mga kapulisan sa saindang propesyonalismo asin nagpapahiling sana na an saindang tunay na kamawotan an magserbi sa taong bayan.
Mientrastanto, presente man nang ibinaba sa hightened alert status an enterong estado kan mga kapulisan sa bilog na nacion afuera sa National Capital Region Police Office (NCRPO) huli sa padagos na ipigsasagibong election paraphernalia returns sa Commission on Elections (Comelec).
 confirmed that the number of election-related incidents decreased this election compared to previous elections.){kind=link}