Pinahimutikan kan National Capital Region Police Office (NCRPO) ang mga alegasyong dae suboot natawan nin access sa abogado, pagkakan asin iba pang pangenot na pangangaipuhan an mga indibidwal na inarestar sa mga nakalihis na protesta.

Sa iniluwas na pahayag, sinabi kan NCRPO na warang sisay man nasa saindang kustodiya ang pinagkaitan nin pagkakataong makakua nin legal assistance o matawan nin pagkakan asin iba pang pangangaipuhan.

Sienerto man kan opisina na pigsusugo an mga pulis na sunodon an mga itinakdang proseso sa pagkapot sa mga inarestar, irespeto an saindang mga direchos asin siertohong matanos asin makatawo an pagtrato sainda.

Kasabay kaini, inengganyar kan NCRPO na ibase sa mga beripikadong impormasyon asin opisyal na rekord ang mga reklamo laban sa mga pulis, imbes na maglaom sana sa mgha dae pa napapatunayang pahayag.

Tinawan-doon kan opisina na mandato kaining ipaotob an ley nin patas mantang pinangangatamanan an kaligtasan kan publiko asin an mga direchos kan kada indibidwal.

Segun pa sa NCRPO, magkasabay na responsibilidad kan kapulisan an pagmamantinir kan kaayusan asin pagsierto na dae nababalgar an mga direchos kan namamanwaan.