May kabilogang 18.96 milyong estudyante sa senior asin junior high school kan 2024 an dae nakakabasa asin nakakasabot nin sarong simpleng istorya.
Ini segun sa datos na iprinisentar kan Philippine Statistics Authority (PSA) sa hearing kan Senate Education Committee.
Sa nasambitang hearing, napag-araman kan komite na igwang 18.9 million na mga Pilipino an tinanggal sa bagong depinisyon kan “functional literate” alagad kaiba sa mga nakapagtapos nin pagklase sa high school.
Segun ki Assistant National Statistician Adrian Cerezo, basado sa 2024 Functional Literacy, Education, and Mass Media Survey, 79 porsiyento kan senior high school graduates an functionally literate mantang 21 percent na nagtapos alagad dae tatao magbasa asin magsabot.
Nasabi man sa pag-aadal na 24. 8 milyong Pilipino na may na edad 10 pataas sa bilog na nacion an may problema sa understanding asin comprehension o dipisil magsabot o magproseso nin kaaraman.
Afuera digdi, ibinuyagyag ni Cerezo na kan 2024, 5.8 milyong Pilipino an pig-aapod man na “basic illiterates” o mga tawong “no read, no write” o dae nakakapagbasa, dae nakakasurat asin dae man nakakapagbilang.
