Idiniklara ni Presidente Ferdinand Marcos Jr nin Panahon kan Pambansang pagluluksa o period of National Mourning bilang pagtaong respeto kay Pope Francis.
Ini an basado sa proclamation number 871 na pinirmahan ni PBBM kun sain nakasaad na harani sa puso kan mga Pilipino si Pope Francis, urog na an saiyang Apostolic Visit sa nacion kan January 2015.
Nakasaad sa proklamasyon na an pagbisita kan Santo Papa kaidto sa Pilipinas, an nagpaabot ini nin pagdamay sa mga nasalanta kan Bagyong Yolanda asin nagtaong honra sa matatag na pananampalataya kan mga Pilipino sa ibong kan matitinding kadifisilan.
Bilang pagbisto sa saiyang dakilang ambag sa Simbahan asin sa bilog na kinaban an ipinaabot kan gobierno an pakikidalamhati.
Nagpoon an period of National Mourning kasuhapon asin mahaloy hasta sa aldaw kan saiyang lubong sa aldaw nin Sabado.
Sa panahong ini, iha-half mast an watawat kan Pilipinas sa gabos na gusali asin pasilidad kan gobierno sa laog asin luwas kan Pilipinas.
Enot na mang sinabi kan Malacañang na ma-byahe pa-Vatican si Presidente Marcos asin FL Liza nganing mag-atendir sa lubong kan Santo Papa.
