Nagbulos an pakidumamay sa pagkagadan kan lider kan Simbahang Katolika na si Pope Francis ngunyan na aldaw, Abril 21, sa edad na 88-anyos.
Ini makalihis na kumpirmaron ngunyan na aldaw ni His Eminence Cardinal Kevin Farrell, Camerlengo of the Apostolic Chamber an pagkagadan kan Santo Papa sa saiyang residence sa Casa Santa Marta sa Vatican.
Kairiba sa nagtao nin tribute sa Santo Papa an nagkapirang world leaders siring ni French President Emmanuel Macron na inapod an Santo Papa bilang sarong “man of humility” mantang iniladawan man ni Dutch Prime Minister Dick Schoof an Santo Papa bilang sarong role model para sa mga mananampalatayang Katoliko magin sa non-Catholics.
Iniladawan man ni European Parliament President Roberta Metsola si Pope Francis sa saiyang nakakahawang ngirit na nag-capture sa milyun-milyong puso kan mga namamanwaan sa bilog na kinaban.
Inomaw man ni Israeli President Isaac Herzog an warang hanggang compassion kan Santo Papa.
Iniladawan man ni Swiss President Karin Keller-Sutter si Pope Francis bilang sarong “great spiritual leader asin warang kapagalang tagapagtaguyod nin kapayapaan.
An pagkagadan ni Pope Francis an sarong aldaw makalihis magpahiling siya sa publiko sa St. Peter’s Square kan Easter Sunday.
Si Pope Francis an enot na Santo Papa na labing sarong siglo na ilulubong sa luwas kan Vatican.
Ihihimlay an lawas ni Pope Francis sa Basilica kan St. Mary Major, saro sa apat na major papal basilicas sa Roma.
