Dinaog kan Creamline an Al Naser Club kan Jordan sa enot na kawat ninda sa 2025 AVC Women’s Champions League.
Hinali muna kan Cool Smashers an limang puntos na pagkakawalat sainda sa first set asin saka kinumpleto an pagragasa sa masunod na mga set, 29-27, 25-20, 25-19, na nangyari sa PhilSports Arena.
Ini an enot na kapangganahan kan Creamline na nasa Pool A.
Nangenot sa atake ninda an American import na si Erica Staunton, na may 17 points asin sarong block.
Nag-ambag man si Alyssa Valdez nin 10 markers, tulong digs asin limang receptions.
Sunod na makakalaban kan Creamline ngunyan na Lunes na banggi, Abril 21, an Zhetsyu kan Kazakhstan sa parehong venue.
Maabante sa knockout quarterfinals an top two teams kada grupo sa Abril 24 asin 25.
Nakatalaan man an Finals sa Abril 27.
